AS PERIPECIAS DE EXTRAVAGANZZA PÉREZ

Así se titula o libro que este ano acompaña ao Salón do Libro. Un libro máxico e fantasioso que narra as aventuras dunha nena chamada Extravaganzza que emprende unha longa viaxe en globo flamengostático na búsqueda dos seus pais.
É un libro moi entretido, así que se queredes saber que pasou nesa viaxe, tedes un exemplar na biblioteca do cole.

Coma sempre, déixovos as fotos da saída

O primeiro que fixemos ao chegar foi ir a un obradoiro chamado "Extravaganzza virtual". Nel, os nenos tiñan que facer por equipos bocetos de animais, plasmalos en plastilina e, finalmente, escanealos en 3D.

Este aparello sacaba 100 fotos seguidas ao obxecto da plataforma e así obtiñamos unha imaxe en 3D.

Ao final, o aparello escaneábanos a nós e saiamos reflexados na pantalla :)

Ao rematar o obradoiro, comezou a visita polo Salón.

O noso traballo "Pataquiña explora a bichería"

E, algúns de vós, tivéstedes a sorte de poder despedir o Salón do Libro en directo con Onda Cero. Que nervosos nos poñemos!

E, ata aquí, a nosa visita. Para o próximo ano, máis e mellor.

Comentarios

Entradas populares de este blog

As 7 marabillas do mundo moderno

Para despedir o curso estreamos por fin o documental das 7 marabillas do mundo moderno. Nós investigamos sobre Petra, a cidade de pedra, en Xordania, e fixemos unha reportaxe revelando algunhas das súas curiosidades e segredos. Veredes que viaxamos á mesmísima cidade perdida para entrevistar a algúns exploradores expertos neste xacemento arqueolóxico, conectamos en directo cun restaurante local, revisamos a evolución do monumento ao longo da historia e lembramos unha escena dunha película clásica moi coñecida que vos vai emocionar. Tamén nos gustou moito o traballo dos outros nenos e nenas doutros cursos. 3 anos investigou sobre a Muralla Chinesa (China), 4 anos e 5 anos sobre o Coliseo Romano (Italia), 1º e 2º de EP sobre Machu Picchu (Perú), nós sobre Petra (Xordania), 4º sobre Chichen Itzá (México), 5º sobre o Taj Mahal (India) e 6º sobre o Cristo Redentor (Brasil). Non o perdades! Felices vacacións e a gozar dun fantástico verán!

Saída musical ao teatro: Na procura do tesouro

Esta mañán os nenos e nenas de 3º e 4º de EP fixemos unha saída ao teatro Auditorio Sede Afundación, en Pontevedra, para ver un espectáculo de Gaiteiros da Xistra na que puidemos gozar de música tradicional galega en directo. Foi unha obra completísima, onde houbo lendas, romances, unha zanfona moi especial, refráns e seres mitolóxicos que nos fixeron soñar. Tamén atopamos moitos enigmas que resolver para chegar a atopar o tesouro da moura, que non era nin cartos nin xoias, senón algo moito máis valioso que nos pertence a todos: o noso patrimonio, como aqueles petroglifos que vimos nas pedras da entrada da cova ou as cancións da nosa terra que tivemos ocasión de escoitar. Na animación de abaixo podedes ver algunhas fotografías da viaxe no bus de 3º ao teatro e da entrada ao museo con algúns compañeiros de 4º. Que nervios por saber como ía ser o espectáculo! Como chegamos cedo, fomos o primeiro centro educativo en pasar ao teatro, e puidemos sentarnos nas primeiras fi...

ENTROIDO 2018: AS 7 MARABILLAS DO MUNDO MODERNO EN CABANAS

Este ano polo entroido en Cabanas fixemos unha festa moi especial, un encontro cos personaxes e protagonistas das 7 marabillas do mundo moderno: Os chinos e chinas da Gran Muralla, os romanos e romanas do Coliseo de Roma, os peruanos de Machu Picchu en Cuzco, as mexicanas e mexicanos de Chichen Itzá, os indios e indias do Taj Mahal, os brasileiros e brasileiras do Cristo Redentor.... e nós, os nenos e nenas de 3º fomos de exploradores occidentais do 1812, de descubridores da maxestuosa Petra, en Xordania! Foi unha xornada inesquecible na Casa Verde, moi pretiño do cole. Aquí tedes unha fotografía de grupo do noso periplo investigador, que ben o pasamos! Podedes ver tamén algunhas fotografías de como gozamos do espectáculo das outras 7 marabillas do mundo moderno, os nosos exploradores e exploradoras de espectadores da gran festa. E tamén queremos publicar algunhas fotografías que nos sacamos na aula, para que vexades que ben caracterizados estaban os nosos nenos ...

ALCOUVEBLOG 2º CICLO

Buscar este blog