Esta mañán os nenos e nenas de 3º e 4º de EP fixemos unha saída ao teatro Auditorio Sede Afundación, en Pontevedra, para ver un espectáculo de Gaiteiros da Xistra na que puidemos gozar de música tradicional galega en directo.
Foi unha obra completísima, onde houbo lendas, romances, unha zanfona moi especial, refráns e seres mitolóxicos que nos fixeron soñar. Tamén atopamos moitos enigmas que resolver para chegar a atopar o tesouro da moura, que non era nin cartos nin xoias, senón algo moito máis valioso que nos pertence a todos: o noso patrimonio, como aqueles petroglifos que vimos nas pedras da entrada da cova ou as cancións da nosa terra que tivemos ocasión de escoitar.
Na animación de abaixo podedes ver algunhas fotografías da viaxe no bus de 3º ao teatro e da entrada ao museo con algúns compañeiros de 4º. Que nervios por saber como ía ser o espectáculo!
Como chegamos cedo, fomos o primeiro centro educativo en pasar ao teatro, e puidemos sentarnos nas primeiras filas para non perder detalle do que pasaba no escenario. A continuación vedes aos compañeiros de 3º e 4º collendo sitio e agardando a que comezase a función.
E por fin comezou o espectáculo. Non sabedes que aconteceu! O noso amigo Dani, de 3º A, tivo que saír axudar aos protagonistas da obra a resolver unha das probas que puxo a moura para poder descubrir o tesouro da cova. Graciñas Dani pola túa participación, sen a tú colaboración non teríamos resolto o gran misterio!
Todas as fotografías podedes velas e descargalas neste enlace.
Como podedes ver, pasámolo moi ben e aprendimos moito. Grazas ás profes Marta, de inglés, e Raquel, de música, por acompañarnos ás profes Leonor, Ana, Bea, Alba e a todos os nenos e nenas. Foi un pracer. Ata a próxima!
Comentarios
Publicar un comentario