Ir al contenido principal

CELEBRAMOS AS LETRAS

Ola nenos e nenas,

Como xa sabedes, durante todo o mes de maio estivemos traballando ao poeta homenaxeado este ano polas Letras Galegas, a Manuel María! Toda a escola fomos a uns concertos musicais dirixidos polo profe de música, Gonzalo, no que se combinaban os distintos ritmos feitos polo alumnado con estrofas de poemas do autor homenaxeado pertencentes ao libro "Os soños na gaiola". Ata incluso se fixo unha pequena homenaxe a David Bowie!



Ademais, este ano decidimos celebrar unha carreira de carrilanas! Estas foron feitas polos maiores do centro e eles ían ser tamén os seus pilotos caricaturizados de poetas do Rexurdimento. En total, eran 6: Valentín Lamas Carvajal, Castelao, Rosalía de Castro, Manuel María, Curros Enríquez e Eduardo Pondal.
Previamente, cada clase traballou a cada un dos autores e logo fixemos un mural expositor. A nos tocounos traballar a Rosalía de Castro.








 E, por fin, chegou o día da carreira! Todos listos para animar!







 Cada clase animando a súa carrilana!









Ata pronto!

Comentarios

Entradas populares de este blog

O TUCÁN

Como xa sabedes, cada mes traballamos un animal en perigo de extinción. Durante o mes de marzo estudamos todas as características do tucán, así como o seu hábitat, a súa alimentación e outras moitas máis curiosidades. Aquí tedes unha canción sobre o tucán que atopamos na web e que nos gustou moito!!!

As 7 marabillas do mundo moderno

Para despedir o curso estreamos por fin o documental das 7 marabillas do mundo moderno. Nós investigamos sobre Petra, a cidade de pedra, en Xordania, e fixemos unha reportaxe revelando algunhas das súas curiosidades e segredos.  Veredes que viaxamos á mesmísima cidade perdida para entrevistar a algúns exploradores expertos neste xacemento arqueolóxico, conectamos en directo cun restaurante local, revisamos a evolución do monumento ao longo da historia e lembramos unha escena dunha película clásica moi coñecida que vos vai emocionar. Tamén nos gustou moito o traballo dos outros nenos e nenas doutros cursos. 3 anos investigou sobre a Muralla Chinesa (China), 4 anos e 5 anos sobre o Coliseo Romano (Italia), 1º e 2º de EP sobre Machu Picchu (Perú), nós sobre Petra (Xordania), 4º sobre Chichen Itzá (México), 5º sobre o Taj Mahal (India) e 6º sobre o Cristo Redentor (Brasil). Non o perdades! Felices vacacións e a gozar dun fantástico verán!

Día do libro: madriñas e padriños lectores

No centro festexamos o día do libro... durante toda a semana! Gústanos moito ler contos e historias fantásticas, e por iso o celebramos como a ocasión o merece.  Onte, os nenos e nenas de 3º e 4º leron aos máis pequeniños, pois a semana pasada asinaran un contrato lector conforme os maiores se comprometían a contar un conto da mellor maneira que souberan, e os pequenos a escoitar con moita moita atención. Aquí podedes ver a algúns compañeiros de 3º A lendo aos pequeniños de 3 anos.   E a algúns nenos e nenas de 3º B lendo aos pequenos de 5.   Tamén a algúns dos compañeiros de 4º, 5º e 6º enfrascados nos seus contos. Que ben o pasamos!   Gustaríanos agradecer tamén desde aquí ás familias que viñeron ler ás nosas aulas, contos, poesía, libros de preguntas e respostas... Pasámolo en grande e agardamos que para o vindeiro curso repitades. Foi un pracer!